Sports News – Kamba: Nthama ya athauki nthini wa ligi ya Epl

1 min read
Share Button

14th May 2020

By Robert Mutunga(Mwambua Ngozi)

Kilavu kya Chelsea nikyambiie mivango ya ya kumantha ula ukwosa yanya ya muthauki N’Golo Kante ula ukwenda kuthama kilavu kiu kya musyini wa London muthyani wa kalenda ka uthauki wa 2019/20.

Kilavu kya Real Madrid na kila kiendee kululumiilya kikosi kyoo, kuvikiia vau nimo monanitye wendi munene viu wa kwosa muthauki usu wa kuma nthi ya France.

Kuatina na mauvoo ma ithangu ya The Mirror, muthauki Declan Rice wa kilavu kya West Ham niwe wi ngooni ya kochi Frank Lampard, na niwe wina utonyi wa kwosa yanya ya Kante.

Rice ambiiye uthauki wake nthini wa kimanyisyo kya maundu ma mathau kya Chelsea e wa ukuu munini.

O kavindani kau nakyo kilavu kya Newcastle United nikiumuthooa Gareth Bale wa Real Madrid, nthini wa kalenda ka uthauki mwakani wa 2020/21.

Itonga kuma nthi ya Saudi Arabia na ila iminite kuthooa kilavu kiu syina muvango wa kumuandika kochi wa tene wa Tottenham Hotspur Mauricio Pochettino, nikana oselee usukani wa uvundisya timu isu vala oingi maendee kumatha athauki ala mena utuika munene utheelini wa ndulyu.

Bale ena utuika wa kwiana wa ligi ya Epl nundu ai muthauki wa tene wa Tottenham Hotspur atanamba kuthamiia Real Madrid vala utialitye myaka 2 kandarasi yake ithele na kilavu kiu kya Santiago Barnebeu.

Facebook Comments
643
Share Button

Leave a Reply

Your email address will not be published. Required fields are marked *