Sports News – Kamba: Muthauki Dele Alli wa Tottenham kuvithukiwa ni mang’endili musyi kwake

1 min read
Share Button

14th May 2020

By Robert Mutunga(Mwambua Ngozi)

Muthauki wa kiwanzani kati kati wa kilavu Tottenham, o undumwe na timu ya England Dele Alli nukwatie maauumisye kavindani kala uvithukiiwe nyumba kwake masaani ma kuikya muthenyani wa iyoo ni mang’endili eli na ala meikwete tuvyu.

Mang’endili asu manatulule nyumba ya Alli na ula wina ukuu wa myaka 24 ngalikoni ya yiulu musyini wa London, vala withiitwe ayikala kuma ila silikali ya nthi ya England yekiie mwiao wa andu kwikala misyi kumana na uwau wa Corona. Alli eina mwanaa inya na mwiitu wake munyanyae kavindani kala uvithukiiwe.

Alli akwatie mauumisye ma uthyu nthini wa kisanga kiu vala ing’ei isu itolokile na saa, masoa na mbete syoonthe sya thaavu. O kavindani kau Kilavu kya Spurs nikiendeeye na utetheesya Alli vala kyaumya witano kwa mundu ula withiwa na mauvoo yiulu wa mang’endili asu akune livoti kwa muvea wa volisi.

Muthauki usu nunenganie musivi wa camera sya CCTV kwi muvea wa volisi vala maendeeye na ukunikili. O ingi nutumie ngethi sya kutunga muvea kwa mashabiki nthini wa mtandao wake wa Twitter.

Kuvikiia vau vai mundu unesya kwikiwa mbini kuatiania na kisanga kiu. Kungi ni kana mweini wa 3, musyi wa muthauki munyanyae wa kilavu kiu kya Spurs Jan Vertonghen,nimavithukiwe na mooyiwa ni mang’endili makwete tuvyu vala muthauki usu wai nthi sya nza mathauni ma Champions League kiko kiu kiyikika.

Facebook Comments
405
Share Button

Leave a Reply

Your email address will not be published. Required fields are marked *