Sports News – Kamba: Nicholus Musonye kutangaasa kwitya kivila kya nzama ya FKF usakuanini munene uukite

1 min read
Share Button

16th May 2020

By Robert Mutunga(Mwambua Ngozi)

Ula wai muandiki munene wa ngwatanio ya muvila wa maau kisioni kya Africa ya umiloni wa sua na katikati(CECAFA) Nicholas Musonye, nutangaasie kwitya kivila kya nzama ya FKF nthini wa usakuani munene ula ukite.

Musonye athyumuiie wia nzamani ya CECAFA mweini wa december mwaka muthelu ena mea maitya kivila kya ugavana kaontini ya Kakamega mwakani wa 2022.

Kulika kwa Musonye nthini wa kikungu kiu kya usakuani wa FKF na ula withiitwe uikuiiwa kwa mavinda kauta, ni ukuno munene kwa mweene kivila ula wivo kwa ooyu Nick Mwenda nundu nikutonya uthokoanya mivango yake usakuanini usu nundu Musonye ena utuika mwiingi maunduni ma kuungamia ithau ya muvila wa wa maau kisioni kya East and Central Africa vala unatongoisye vandu Va myaka 21.

Musonye easya osie itambya yiu itina wa ukulwa ni andu vamwe na mivea kivathukanyo ila ituikaa ithau ya soka vaa Kenya ni kana etye kivila kiu ni kana atungiie nguma sya soka vaa Kenya na ila siendee na kwonza.

Atongoi angi ala maminite kuikiithya kuukitia kivila kiu ni vamwe na mweene kivila ula utongoesye nzama isu ivindani yii Nick Mwendwa, mweene kivila wa tene Sam Nyamweya, mweene kivila wa tene wa AFC Leopards Alex Ole Magelo, ula wai gavana wa kaonti ya Vihiga Bishop Moses Akaranga na CEO wa kilavu kya Gor Mahia Lordvick Aduda kati wa angi aingi.

Facebook Comments
301
Share Button

Leave a Reply

Your email address will not be published. Required fields are marked *