Sports News Kamba: Uwau wa Corona kuthokoania kalenda ka AFCON

1 min read
Share Button

28th May 2020

By Robert Mutunga(Mwambua Ngozi)

Nivatonyeka mathau ma kikombe kya African Cup of Nations 2021 na ala mavaniiwe kwithiwa nthi ya Cameroon kwambiia mwei wa January makakuiiwa nundu wa uwau wa Covid-19.

Kuatiania na mauvoo kuma kwa RMC Sports, nzama ya kuungamia muvila wa maau vaa Africa ya CAF, nitonya ikuiisya mathau asu nginya mwaka wa 2022 vala mauvoo asu mavaniiwe kutangaaswa ivinda ite vaasa.

Mauvoo asu nimaendeeie kwasya kana ngewa ila yivo kwa ooyu nikukuiisya mathau asu nginya mwei wa mbee 2022, nundu mwakani ousu now’o mathau ma Kikombe kya World Cup makathaukwa mweini wa 11 kuya Qatar.

Vena mikondo 4 itialitye kwa timu kuthauka ni kana ikwate tikiti wa mathau asu vala walanyo wa kuthauka unavalaanilwe ni uwau wa Corona.

Mathau asu mavaniiwe kuthaukwa kwambiia matuku 9, January nginya February 6, 2021, o undu mathaukiwe mwaka wa 2017. CAF niyasenzisye kalenda kayo nundu myaka ya vau itina mathau asu meethiawa mwaka ula kwi mathau ma World Cup undu ula watumaa timu mbingi sya Africa iteka nesa kumana na athauki kwitha mena minoo mingi.

Facebook Comments
197
Share Button

Leave a Reply

Your email address will not be published. Required fields are marked *